කර්කශ ලැහැබ තුළ අතරම කටු පඳුරු
පිපුනම තමයි ලස්සන හැඩ මල් පොකුරු
දිවියක තිබෙන විට එළි නොව මද අඳුරු
එයමයි දිනෙක එළියක් වන්නේ සොඳුරු
දිවි මඟ උනත් නොමවේ හැම දින රුදුරු
ලැබගත යුතුයි විරියෙන් හැම දේ සොඳුරු
ජයගත හැකියි නම් කැපවීමෙන් අකුරු
ආලෝකයකි එය ජීවිතයට මහරු
පොතක් තුළට ගත හැකි වේ ලෝකයම
සිතක් පුරවගත්තොත් ඒකයි දිනුම
නිමක් නොවන දෙයකිය ලැබුවොත් දැනුම
හෙටත් උගත හැකිවන කරුණුය බොහොම
සතොස් සිතින් ලැබුවොත් ශිල්පය ලබන
මඟක් දුර නොවේ ජීවිතයම දිනන
පොතට පතට අකුරට ඇල්ම ම වඩන
පුතෙක් වෙයන් අකුරෙන් හෙට ලොව දිනන

Winning Article – Sinhala
Click 2022 – Creative Writing Competition
Organized by the Editorial Avenue of RACUOK